The Jabberwocky - IN LATIN!

The Jabberwocky, IN LATIN!.
A made up Language... in a dead language.
WOW.

MORS IABROCHII
by Augustus Arthur Vansittart

Coesper erat: tunc lubriciles altravia circum
Urgebant gyros gimbiculosque tophi:
Moestenui visae borogovides ire meatu:
Et profugi gemitus exgrabuere rathae.

O fuge Iabrochium, sanguis meus! Ille recurvis
Unguibus, estque avidis dentibus ille minax.
Ububae fuge cautus avis vim, gnate! Neque unquam
Faedarpax contra te frumiosus eat!

Vorpali gladio iuvenis succingitur: hostis
Manxumus ad medium quaeritur usque diem:
Imanque via fesso sed plurima mente prementi,
Timtumie frondis suaserat umbra moram.

Consilia interdum stetit egnia mente revolvens:
At gravis in densa fronde susuffrus erat,
Spiculaque ex oculis iacientis flammea, tulscam
Per silvam venit burbur Iabrochii!

Vorpali, semel atque iterum collectus in ictum
Persnicuit gladio persnacuitque puer:
Deinde glaumphatus, spernens informe cadaver,
Horrendum monstri rettulit ipse caput.

Victor Iabbrochii, spoliis insignis opimis
Rursus in amplexus, o radiose, meos!
O frabiose dies! CALLO clamatque CALLA!
Vix potuit laetus chorticulare pater.

Coesper erat: tunc lubriciles altravia circum
Urgebant gyros gimbiculosque tophi:
Moestenui visae borogovides ire meatu:
Et profugi gemitus exgrabuere rathae.