Samundar Pagal Ho Gia ha

An Urdu poem about sea and its madness.

Aik samundar tha
Aik nadi thi
Muhabat un dono ma abdi thi

Magr yeah un dinu ka zikr ha....

Jab samundar khamoosh hwa krta tha
Nadi ki athkhaliyun pa mrta tha
Nadi bhi dheeray dheeray behti thi
Samundar k aas pass rehti thi

Phir ik din pagli nadi

Bhal khati, muskarati
Ranai pa apni itrati
Samundar sy thora door nikl ai
Dunya us ko sundar nazr ai
Dunya such much bri sohani thi
Or nadi pay b tu jolani thi
Wo dais dais ma ghoomti
Wo nagr nagr ko choomti
Paharoon kay dais pohch gai
Paharoon ki bulandiyun ko daikh k
Wo samundar ki wusatoon ko bhool gai
Paharoon ki bahoon may jhool gai.....

Us ny chahat ka hr maza chakh lia
Or apna naam bi Us ny Jheel rakh lia...

Udhr.... Samundar ko us ki yad sta gai
Us ki lahroon ma tughiyani si aw gai
Wo nadi ki be-wafai pa chakrata rehta
Chatanoonn say sir takrata rehta
Tab sy samundar bohat shor krta ha....
Kiyun k sab kuch us ka kho gia ha
or kuch kuch Pagal B Wo Ho Gia Ha.........